28 വര്‍ഷം മുമ്പ്, ഇന്ത്യയിലെ അറിയപ്പെടുന്ന മോഡലുകളില്‍ ഒരാളായിരുന്ന ഞാന്‍ എന്റെ പ്രിയ സുഹൃത്തായ മെഹര്‍ കാസ്റ്റെല്ലിനോയ്ക്ക് വേണ്ടി ഒരു പുതിയ പെണ്‍കുട്ടിയ്ക്കൊപ്പം ഫോട്ടോഷൂട്ടിന് സമ്മതിച്ചു.
ആ പുതിയ പെണ്‍കുട്ടി കടന്നു വന്നതും സെറ്റിലുണ്ടായിരുന്ന എല്ലാവരും നിശ്ചലമായി. ഒരു പ്രൊഫഷണല്‍ ക്യമാറയ്ക്ക് മുന്നില്‍ ആദ്യ ഷോട്ട് നല്‍കുന്നതിന് മുമ്പ് തന്നെ അവള്‍ സൂപ്പര്‍ സ്റ്റാര്‍ ആയിരുന്നു.
ഐശ്വര്യ റായ് ബച്ചന്‍, അവള്‍ മിസ് വേള്‍ഡായി, ബോളിവുഡിന്‍റെ റാണിയായി, ഒടുവില്‍ മിസിസ് ബച്ചനും... '
ഐശ്വര്യറായിയുടെ ആദ്യ കാല ഫോട്ടോഷൂട്ടില്‍ ഒപ്പമുണ്ടായിരുന്നു മോഡലിന്‍റെ വാക്കുകളാണ്. ഐശ്വര്യയുടെ ഫാന്‍ പേജായ ഐഷ് ഹോളിക്കാണ് ഫോട്ടോഷൂട്ടിന്‍റെ ചിത്രവും ഒപ്പമുണ്ടായിരുന്ന മോഡലിന്‍റെ വാക്കുകളും പങ്കുവച്ചിരിക്കുന്നത്.
ബോളിവുഡിലും തെന്നിന്ത്യന്‍ സിനിമകളിലുമെല്ലാം ഒരുപോലെ തിളങ്ങി, ലോകത്തിന്‍റെ തന്നെ സൗന്ദര്യ റാണിയായി മാറിയ ഐശ്വര്യയുടെ പഴയ ഫോട്ടോ സോഷ്യല്‍ മീഡിയയില്‍ വെെറലായി മാറിയിരിക്കുകയാണ് ഇപ്പോള്‍.
മോഡലിങ്ങില്‍ നിന്നുമായിരുന്നു ഐശ്വര്യ റായ് സിനിമയിലേക്ക് എത്തുന്നത്. 1994 ല്‍ മിസ് വേള്‍ഡ് ആയിരുന്നു. മണിരത്നം ചിത്രം ഇരുവരായിരുന്നു ഐശ്വര്യയുടെ ആദ്യ ചിത്രം. അതിനടുത്ത വര്‍ഷം പുറത്തിറങ്ങിയ ജീന്‍സിലും നായികയായി എത്തി. രണ്ട് ചിത്രങ്ങളും വന്‍ ഹിറ്റായി.
ഐശ്വര്യ സിനിമാ പ്രേമികളുടെ മനസ് കീഴടക്കി.ഓര്‍ പ്യാര്‍ ഹോ ഗയായിലൂടെ ബോളിവുഡിലും അരങ്ങേറി. ചിത്രം അധികം ശ്രദ്ധിക്കപ്പെട്ടില്ലെങ്കിലും അടുത്തത് സഞ്ജയ് ലീലാ ബന്‍സാലി ചിത്രം ഹം ദില്‍ ദേ ചുകേ സനം ആയിരുന്നു. ചിത്രം വിജയിച്ചു. പിന്നീട് ഐശ്വര്യയുടെ നാളുകളായിരുന്നു. ബാക്കിയെല്ലാം ചരിത്രം.
