"మునగాకు పెసరపప్పు కూర" కి కావాల్సిన పదార్ధాలు:
మునగాకు-1 కప్పు,
పెసరపప్పు-1 కప్పు,
ఉల్లిపాయలు-2,
పచ్చిమిర్చీ-5,
పచి కొబ్బరి పొడి-కొద్దిగ,
కారం-తగినంత,
ఎండుమిర్చీ-3,
ఉప్పు-తగినంత,
ధనియాల పొడి-కొద్దిగ,
నీళ్లు-తగినంత,
నిమ్మ రసం-కొద్దిగ,
కరివేపాకు-కొద్దిగ,
జీలకర్ర-కొద్దిగ,
నూనె-కొద్దిగ,
పసుపు-చిటికెడు,
వెల్లుల్లీ రెబ్బలు-4,
" మునగాకు పెసరపప్పు కూర" తయారుచేయు విధానం:
ముందుగా మనం పెసరపప్పును 15 నిమిషాల పాటు నానబెట్టి పక్కన పెట్టుకోవాలి. ఉల్లిపాయలను మరియు పచిమిర్చీనీ కట్ చేసి పక్కన పెట్టుకోవాలి. ఇప్పుడు స్టవ్ వెలిగించి బాండీ పెట్టీ అందులో కొద్దిగ నూనె వేయాలి. నూనె వేడైయ్యాక కొద్దిగ జీలకర్ర వేసి వేయించుకుని అందులో కట్ చేసిపెట్టుకున్న పచ్చిమిర్చీ, ఉల్లిపాయలను వేసి వేయించుకోవాలి. అవి వేగిన తరువాత కొద్దిగ కరివేపాకు,ఎండుమిర్చీ,వెల్లుల్లి రెబ్బలు వేసి వేయించుకోవాలి. అవి వేగిన తరువాత అందులో మనం చిటికెడు పసుపు మరియు మునగాకును వేసి కొంచెం వేయించుకోవాలి. ఆకు వేగిన తరువాత అందులో మనం ముందుగా నానపెట్టిన పెసరపప్పును వేసి కొద్దిసేపు వేయించుకోవాలి. వేగిన తరువాత అందులో సరిపడా నీరు పోసి మూత పెట్టి కొద్దిసేపు ఉడికించుకోవాలి. అవి ఉడికిన తరువాత అందులో మనం కొద్దిగ పచ్చి కొబ్బరి తురుము,ధనియాలపొడి,కారం వేసుకుని అందులో తగినంత ఉప్పు వేసుకుని బాగా కలుపుకుని రెండు నిమిషాలు ఉంచి స్టవ్ ఆఫ్ చేసి అందులో కొద్దిగ నిమ్మరసం వేసుకుని బాగా కలుపుకోవాలి. అంతే ఎంతో రుచికరమైన ఆరోగ్యవంతమైన "మునగాకు పెసరపప్పు కూర" రెడీ.