ఆరోగ్యం పట్ల ప్రతివ్యక్తికి అవగాహన పెరిగిపోవడంతో ప్రతివ్యక్తి తాను తీసుకునే ఆహార పదార్ధాల విషయంలో చాల జాగ్రత్తలు తీసుకుంటున్నాడు. ఇలాంటి పరిస్థుతుల నేపధ్యంలో మనకు అన్ని సీజన్స్ లోను లభించే పైనాపిల్ జ్యూస్ ద్వారా పొందే ప్రయోజనాలు పరిశీలిస్తే ఈ జ్యూస్ అందించే అద్భుత ప్రయోజనాలు చాలామందికి ఆశ్చర్యాన్ని కలిగిస్తాయి.
ప్రతిరోజు మనకు అవసరమైన విటమిన్ సిని ఈ పైనాపిల్ ద్వారా పొందవచ్చు. చర్మకాంతిని పెంపోదించడంలో ఈ పైనాపిల్ జ్యూస్ ఎంతగానో సహాయపడుతుంది. ఇందులోని బ్రొమైలిన్ ఎంజైమ్ మొటిమలను నివారించడంతో పాటు చర్మ సమస్యలను కూడా నివారిస్తుంది. ప్రతిరోజూ ఒక గ్లాసు పైనాపిల్ జ్యూస్ తాగడం వల్ల ఫెయిర్ అండ్ క్లియర్ స్కిన్ పొందవచ్చు అని బ్యూటీషియన్స్ చెపుతున్నారు.
పైనాపిల్ జ్యూస్ లో పొటాషియం, యాంటీ ఆక్సిడెంట్లు అధిక మొత్తంలో ఉండటంతో ఇవి శరీరంలో వ్యాధినిరోధక శక్తిని పెంపొందించడంలో సహాయపడతాయి. పైనాపిల్‌లో బ్రొమిలైన్ అనే ప్రొటియోలిటిక్ ఎంజైమ్ ఉంటుంది. దీనివల్ల తీసుకున్న ఆహారం సంపూర్ణంగా జీర్ణం కావడంలో సహాయపడుతుంది. ఈ జ్యూస్ వల్ల కీళ్లనొప్పులుతగ్గుతాయని పరిశోధనలు తెలియచేస్తున్నాయి. పైనాపిల్‌లోని ఎంజైమ్ రుమటాయిడ్ ఆర్థ్రరైటిస్ కారణంగా దెబ్బతిన్న కణజాలాన్ని త్వరితగతిన బాగు చేస్తుంది. మధుమేహం కారణంగా ఏర్పడే పుండ్లని, ఇతరత్రా గాయాల్ని కూడా ఇది త్వరగా తగ్గిస్తుంది. ఈరసం తెగినగాయాలపై వేస్తే రక్తస్రావం తగ్గుతుంది.
ఇందులో సమృద్ధిగా పొటాషియం ఉండడం వల్ల కొన్ని మూత్రపిండాల వ్యాధుల్లో మూత్ర ప్రక్రియ సరిగాలేని వారికి చక్కటి ఫలితాలను ఇస్తుంది అని వద్యులు కూడ చెపుతున్నారు. వృద్దాప్యంలో వచ్చే అనేకసమస్యలకు పరిష్కారంగా ఈజ్యూస్ ను ప్రతిరోజు త్రాగడం మంచిదని వైద్య సలహాలు నిరూపిస్తున్నాయి..
