ఈ మధ్య నటీనటుల పైన సోషల్ మీడియాలో కామెంట్స్ చాల ఎక్కువ అయ్యాయి . తెలుగు సినిమాతో తన సినీ కెరీర్‌ను ప్రారంభించినా తాప్సి బాలీవుడ్‌లోనే బాగా క్లిక్ అయ్యారు. విభిన్నమైన కాన్సెప్ట్స్ ఎంచుకుంటూ ఎందరో అభిమానులను సొంతం చేసుకున్నారు.నటి తాప్సి నటనను, ఆమె అందాన్ని చాలా మంది సోషల్ మీడియాలో కామెంట్ చేశారు. వారి కామెంట్లన్నింటికీ సరైన సమాధానం ఇచ్చి నోరుమూపిస్తుంది తాప్సి. తాజాగా మరో నెటిజన్ తాప్సిని టార్గెట్ చేస్తూ ట్విటర్‌లో ఓ కామెంట్ పెట్టాడు.
‘బాలీవుడ్ చరిత్రలోనే తాప్సి ఓ సమస్యగా మారింది. ఈ విషయం తనకు తెలుసో లేదో నాకు తెలీదు’ అన్నాడు. ఇందుకు తాప్సి వెంటనే రిప్లై ఇచ్చాడు. ‘నాకు తెలుసు. మా అమ్మానాన్న కూడా నా గురించి ఇలానే అనుకుంటారు. స్టీరియోటైప్స్‌కు నేను ఓ పెద్ద సమస్యను. నేను ఇలాగే ఉంటా. నీకు నన్ను భరించే ఓపిక ఇంకా ఎక్కువ అవ్వాలని ఆశిస్తున్నాను’ అని రిప్లై ఇచ్చారు.
తాప్సి ప్రధాన పాత్రలో నటించిన ‘సాండ్ కీ ఆంఖ్’ సినిమా ఇటీవల విడుదలై బాక్సాఫీస్ వద్ద మంచి విజయం అందుకుంది. ఉత్తర్ ప్రదేశ్‌కు చెందిన ప్రకాశీ తోమర్, చంద్రో తోమర్ అనే ఇద్దరు వయసు పైబడిన షార్ప్ షూటర్ల జీవితాధారంగా ఈ సినిమాను తుషార్ హీరానందని తెరకెక్కించారు.సినిమాకు మంచి టాక్ వచ్చింది. ఇందులో తాప్సితో పాటు భూమి పెడ్నేకర్ కూడా నటించారు. ఈ సినిమా విడుదలకు ముందు కంగనా రనౌత్ సోదరి రంగోలీ నానా రచ్చ చేశారు. ఎందుకంటే సినిమా వృద్ధుల నేపథ్యంలో తెరకెక్కించినప్పుడు అలాంటి వయసున్న వారినే తీసుకోవచ్చు కదా అని రంగోలీ కామెంట్ చేసింది. దాంతో తాప్సి కుండబద్దలు కొట్టేలా సమాధానం ఇచ్చారు.
ఈ రోజుల్లో గ్లామర్ షో లేకుండా ఏ హీరోయిన్ ఇండస్ట్రీలో నిలదొక్కుకోలేదు. కానీ తాప్సి బాలీవుడ్‌లో ఎలాంటి గ్లామర్ షో లేకుండా రాణించేస్తోంది. ప్రస్తుతం ఆమె చేతిలో ‘థప్పడ్’ అనే సినిమా ఉంది. సినిమా ఎలా ఉండబోతోందో ఈ టైటిలే చెప్పేస్తోంది.
