ఈఏడాది నందమూరి నటసింహం బాలకృష్ణ కు అస్సలు కలిసి రాలేదు. ఒకటి కాదు రెండు కాదు మూడు భారీ డిజాస్టర్లు ఆయన కెరీర్ ను ప్రభావితం చేశాయి. ఇంతకుముందు బాలయ్య తో సినిమా చేస్తే మినిమం గ్యారెంటీ అనుకున్న నిర్మాతలు ఇప్పుడు ఆయన సంప్రదించే సాహసం చేయలేకపోతున్నారు. ఇక ఈఏడాది సంక్రాంతికి బాలకృష్ణ , ఎన్టీఆర్ కథానాయకుడు తో ప్రేక్షకులముందుకు వచ్చాడు. తన తండ్రి ఎన్టీఆర్ బయోపిక్ లో భాగంగా వస్తున్న మొదటి భాగం కావడంతో సినిమాపై విపరీతమైన అంచనాలు ఏర్పడ్డాయి. దాంతో ప్రీ రిలీజ్ బిజినెస్ కూడా ఊహించని రీతిలో జరిగింది. అయితే మొదటి షో నుండే సినిమాకు డిజాస్టర్ టాక్ రావడం తో బయ్యర్లకు భారీ నష్టాలను మిగిల్చింది. ఇక మొదటి భాగం నష్టాలను రెండో భాగం ... ఎన్టీఆర్ మహానాయకుడుతో కవర్ చేద్దాం అనుకున్నాడు బాలకృష్ణ కానీ ఈ భాగం కూడా ఎన్టీఆర్ కథానాయకుడు లాగే భారీ డిజాస్టర్ అయ్యింది. మొదటి భాగానికి ఓపెనింగ్స్ అయినా వచ్చాయి కానీ మహానాయకుడు పబ్లిసిటీ ఖర్చులను కూడా రాబట్టలేకపోయింది.