కీరవాణి కొడుకు శ్రీ సింహ హీరోగా విడుదలైన ‘మత్తు వదలరా’ మూవీకి మొదటిరోజు మొదటి షో నుండి ఓవర్సీస్ లో పాజిటివ్ టాక్ వచ్చినట్లుగా వార్తలు వస్తున్నాయి. ఈ మూవీ కథలోని ట్విస్ట్ లతో పాటు కామెడీ ట్రాక్ కూడ బాగా ఉండటమే కాకుండా ఈ మూవీకి సత్య కామెడీ హైలెట్ అని అంటున్నారు.
ఈ మూవీలో హీరో ఒక విచిత్రమైన పరిస్థితులలో ఇరుక్కున్న సందర్భంలో వచ్చే కామెడీ సీన్స్ ప్రేక్షకులను విపరీతంగా నవ్విస్తాయని అంటున్నారు. ఈ మూవీ ఫస్ట్ హాఫ్ లో వచ్చే ఊహించని ట్విస్ట్ లతో పాటు కామెడీ సీన్స్ హైలెట్ అవుతున్నాయని ఈ మూవీని చూసిన ఓవర్సీస్ ప్రేక్షకులు అభిప్రాయపడుతున్నారు.
ఈ సినిమా సెకండ్ హాఫ్ లో కథ ఫ్లాష్ బ్యాక్ లోకి వెళ్ళడంతో పాటు మారక ద్రవ్యాల వ్యాపార నేపధ్యం మాఫియా కూడ ఈ మూవీకి కథకు జోడించడంతో ఈ మూవీ కథ వర్తమాన పరిస్థితులకు దగ్గరగా ఉంది అని అంటున్నారు. అయితే ఎవరు ఊహించని విధంగా ఈ మూవీకి ట్విస్ట్ ఇచ్చి ముగింపు ఇవ్వడంతో ఆ ముగింపును చూసి ఓవర్సీస్ ప్రేక్షకులు ఆశ్చర్య పోతున్నట్లు టాక్.
ఈ మూవీ విడుదల సందర్భంగా ఈరోజు ‘ఆర్ ఆర్ ఆర్’ షూటింగ్ ను క్యాన్సిల్ చేసిన రాజమౌళి ఈ మూవీ పై పెట్టిన ట్విట్ వైరల్ అవుతోంది. ‘సస్పెన్స్ థ్రిల్లర్స్ క్రైం థ్రిల్లర్స్ అందులో కామెడీ మిక్స్ అయిన సినిమాలు ఇష్టపడేవారికి ఈ సినిమా బాగా నచ్చుతుందని ఇంతకన్నా ఎక్కువగా చెప్పడానికి తాను భయపడుతున్నాను’ అంటూ రాజమౌళి ఈ సినిమా పై ప్రశంసలు కురిపిస్తూ ఈ మూవీ హైక్ ను పెంచడానికి తనవంతు ప్రయత్నం చేసాడు. ఈ సినిమాకు ఇప్పుడు టోటల్ పాజిటివ్ టాక్ రావడంతో దీని ప్రభావం ప్రస్తుతం కలక్షన్స్ విషయంలో నిలకడగా నిలబడి ఉన్న ‘వెంకీ మామ’ ‘ప్రతిరోజు పండగే’ పై ఎలా ఉంటుందో చూడాలి..
