తెలుగు రాష్ట్రాల్లో మెగాస్టార్ చిరంజీవికి ఎలాంటి పేరు ఉన్నదో చెప్పక్కర్లేదు. మెగాస్టార్ సినిమాలు తెలుగులో రిలీజ్ అవుతున్నాయి అంటే ఆ సినిమాల కోసం ప్రేక్షకులు ఎంతగానో ఎదురు చూస్తుంటారు. మెగాస్టార్ చిరంజీవి సినిమా రంగం నుంచి రాజకీయాల్లోకి వెళ్లి అక్కడ ఏడేళ్లు ఉంది తిరిగి ఖైదీ నెంబర్ 150 ద్వారా ఇండస్ట్రీలోకి అడుగు పెట్టారు. ఇలా ఇండస్ట్రీలోకి అడుగుపెట్టిన మెగాస్టార్ ఆ సినిమాతో భారీ విజయం సొంతం చేసుకున్న సంగతి తెలిసిందే.
కాగా, మెగాస్టార్ తన 151 వ సినిమా చారిత్రాత్మక నేపథ్యంలో సైరా సినిమాగా తెరకెక్కింది. ఈ సినిమా మంచి విజయాన్ని సొంతం చేసుకుంది. మెగాస్టార్ సినిమా అంటే హైదరాబాద్ లో అత్యధిక థియేటర్స్ లో రిలీజ్ అవుతుంది. సైరా సినిమా హైదరాబాద్ లో 749 షోలు వేశారు. ఇది మెగాస్టార్ కెరీర్లో ఓ రికార్డ్. ఈ రికార్డ్ ఇప్పటి వరకు పదిలంగా ఉన్నది.
కాగా, ఇప్పుడు ఈ రికార్డును సూపర్ స్టార్ రజినీకాంత్ బీట్ చేశాడు. ఈ సినిమా 771 షోలు వేసుకోబోతున్నది. ఈ ఉదయం నుంచి అర్ధరాత్రి వరకు షోలు వేయబోతున్నారు. దర్బార్ సినిమాకు ఉన్న క్రేజ్ కారణంగా ఈ సినిమాను ఈ స్థాయిలో రిలీజ్ చేసినట్టుగా తెలుస్తోంది. అన్ని థియేటర్స్ లో సినిమా టికెట్స్ ఇప్పటికే బుక్కయ్యాయి. ఫస్ట్ డే మాత్రమే ఈ రికార్డ్ ఉంటుందో లేదంటే రెండో రోజుకూడా ఈ రికార్డును సృష్టిస్తుందో చూడాలి.
అటు తమిళనాడులో మానియా మొదలైంది. ఎక్కడ చూసినా తలైవర్ అనే పేరు... రజిని పోస్టర్లు వెలుస్తున్నాయి. ఇప్పటికే కొన్ని సంస్థలు రజినీకాంత్ సినిమా కోసం లీవ్ లు మంజూరు చేసిన సంగతి తెలిసిందే. మొదటి రోజున కలెక్షన్లు ఏ స్థాయిలో ఉంటాయో మరికొంది గంటల్లోనే తేలిపోతుంది. సినిమాకు పాజిటివ్ టాక్ వస్తే కలెక్షన్ల సునామీనే అని చెప్పొచ్చు.