శేఖర్ కమ్ముల తీసే ప్రతి చిత్రంలో ఏదో ఒక మ్యాజిక్ ఉంటుంది. చూసే ప్రతి సినిమా హార్ట్ కి టచ్ అవుతుంది. అయితే.. ఇప్పుడు శేఖర్ కమ్ముల మరో అందమైన లవ్‌ స్టోరీతో ప్రేక్షకుల ముందుకు రాబోతున్నాడు. నాగచైతన్య, సాయి పల్లవి జంటగా ‘లవ్‌స్టోరీ’ అనే సినిమా తెరకెక్కుతోంది. ఈ సినిమా శ్రీ వెంకటేశ్వర సినిమాస్ ఎల్‌ఎల్‌పీ బ్యానర్‌ పై నారాయణ్ దాస్, నరంగ్, పుష్కర్ రామ్ మోహన్ రావు నిర్మాతలుగా వ్యవహరిస్తున్నారు. పవన్ సినిమాకు సంగీతం అందించారు.
ఫిబ్రవరి 14 వాలంటైన్స్ డే సందర్భంగా నిన్న ఈ సినిమాలోని ‘ఏయ్ పిల్లా’ అనే ప్రివ్యూని రిలీజ్ చేసారు. నాగచైతన్య, సాయి పల్లవి మధ్య కెమిస్ట్రీ బాగా హైలైట్ అయింది. ఈ పాటను హరిచరణ్ పాడారు. ఈ సందర్భంగా నాగ చైతన్య శేఖర్ కు బ్లాక్ షేడ్స్ కానుకగా ఇచ్చారు. నల్ల కళ్లద్దాలు పెట్టుకుని శేఖర్ కమ్ముల ఎంజాయ్ చేస్తున్న ఫొటోను అభిమానులతో పంచుకున్నారు.
అయితే చైతూ ఇచ్చిన గిఫ్ట్‌కు శేఖర్ ఇచ్చిన రిప్లై హైలైట్. ‘‘గిఫ్ట్ ఇచ్చినందుకు థ్యాంక్యూ చై. తర్వాత టీజర్ వస్తోంది. ఇంకో గిఫ్ట్ రెడీ చేస్కో’ అన్నారు. ఈ పాటకు మంచి రెస్పాన్స్ వస్తోంది. చాలా మంది సెలబ్రిటీలు నాగచైతన్య, సాయి పల్లవి కెమిస్ట్రీ, శేఖర్ కమ్ముల టైమింగ్ గురించి ప్రశంసల జల్లులు కురిపిస్తున్నారు. శేఖర్ కమ్ముల నుంచి ఎన్ని రకాల లవ్‌ స్టోరీలు వచ్చినా అవి ఎప్పుడూ కొత్తగానే ఉంటాయి.
అదీ కాకుండా ఇప్పటివరకు నాగచైతన్య, సాయి పల్లవి కలిసి నటించింది లేదు. ఓ ఫ్రెష్ పెయిర్‌ తో ప్రేమ కథా చిత్రాన్ని తెరకెక్కిస్తున్నారంటే కచ్చితంగా ప్రేక్షకుల్లో అంచనాలు పెరిగిపోతాయి. ఈ పాట ప్రివ్యూ చూసి నాగ చైతన్య భార్య సమంత, తండ్రి నాగార్జున తెగ సంతోషించేస్తున్నారట..
