తెలుగు ఇండస్ట్రీలో ఢీ,రెడీ,బాద్ షా,దుబాయ్ శీను, దూకుడు లాంటి సూపర్ హిట్ సినిమాలు అందించిన దర్శకులు శ్రీను వైట్ల. గత మూడు సంవత్సరాల నుంచి ఈ డైరెక్టర్ అదృష్టం అస్సలు బాగాలేదని చెప్పాలి. ఓ వైపు సినిమా ఫ్లాపులు..మరోవైపు కుటుంబ సమస్యలతో సతమతమయ్యాడు. ప్రస్తుత మెగా అబ్బాయి వరుణ్ తేజ్ తో ‘ మిస్టర్’ తో ‘మిస్టర్’తో తన అదృష్టాన్ని పరీక్షించుకోబోతున్నాడు. ఇదిలా ఉంటే ఆ మధ్య ఫ్లాప్‌లో ఉన్నప్పుడు ఆర్థికంగా కూడా చాలా ఇబ్బందులనే ఎదుర్కొన్నాడు ఈ డైరక్టర్‌.
ఇక ముకుంద చిత్రంతో హీరోగా ఎంట్రీ ఇచ్చిన వరుణ్ తేజ్ తర్వాత క్రిష్ దర్శకత్వంలో ‘కంచె’ చిత్రంలో నటించారు. ఈ చిత్రం జాతీయ ఉత్తమ ప్రాంతీయ చిత్రంగా అవార్డు కైవసం చేసుకుంది. తర్వాత పూరి జగన్నాధ్ దర్శకత్వంలో ‘లోఫర’ లో నటించాడు..కానీ ఇది డిజాస్టర్ గా మిగిలిపోయింది. దీంతో కాస్త ఆచీ తూచీ అడుగులు వేస్తున్న వరుణ్ ‘మిస్టర్’తో తన అదృష్టాన్ని పరీక్షించుకోబోతున్నాడు.
ఈ సినిమాపై మొదటి నుంచి మంచి అంచనాలు పెరిగిపోయాయి. అంతే కాదు మిస్టర్ లో ఇద్దరు ముద్దు గుమ్ములు హేబా పాటిల్, లావణ్యా త్రిపాఠి నటిస్తున్నారు. ఈ చిత్రం రేపు విడుదల కాబోతుంది. మిస్టర్ మంచి హిట్ అయితే ఇండస్ట్రీలో ఈ ఇద్దరికి కొంత కాలం ఢోకా లేదని తేలిపోతుంది.
