తెలుగు ఇండస్ట్రీలో మంచు మోహన్ బాబు వారసులుగా మంచు విష్ణు, మనోజ్ లు హీరోలుగా ఎంట్రీ ఇచ్చారు. అయితే ఈ మంచు విష్ణు కి ఇండస్ట్రీలో ఇప్పటి వరకు చెప్పుకోదగ్గ హిట్ సినిమాలు పెద్దగా లేవనే చెప్పొచ్చు. ఆ మద్య శీను వైట్ల దర్శకత్వంలో వచ్చిన ‘ఢీ’మంచి విజయం సాధించింది. ఆ రేంజ్ లో మరో విజయం ఇప్పటి వరకు మనోడికి దక్కలేదు. తాజాగా మంచు విష్ణు హీరోగా, కామెడీ కింగ్ బ్రహ్మానందం మరో ప్రధాన పాత్రలో నటించిన కామెడీ ఎంటర్‌ట్రైనర్ ‘ఆచారి అమెరికా యాత్ర’జనవరి 26న విడుదల చేస్తున్నట్లు నిర్మాతలు అధికారికంగా ప్రకటించారు.
ఈ చిత్రానికి సంబంధించి ట్రైలర్ కూడా సోషల్ మీడియాలో దుమ్మురేపుతుంది. మొన్న ఫ్రీ రిలీజ్ ఫంక్షన్ కూడా చేశారు. ఇదిలా ఉంటే ‘ఆచారి అమెరికా యాత్ర’ విడుదలకు బ్రేక్ పడే అవకాశాలు కనిపిస్తున్నాయి. కొన్ని టెక్నికల్ కారణాల వల్ల ఈ మూవీని వాయిదా వేస్తున్నట్లు తెలుస్తోంది. విడుదలకు మరో నాలుగు రోజుల మాత్రమే మిగిలి ఉండటంతో ముందుగా అనుకున్న సమయానికి ‘ఆచారి అమెరికా యాత్ర’థియేటర్‌లోకి రావడంలేదు.
గతంలో నాగేశ్వర్ రెడ్డి - విష్ణుల కలయికలో వచ్చిన ‘దేనికైనా రెడీ’, ‘ఈడో రకం ఆడో రకం’ సినిమాలు ప్రేక్షకులను కడుపుబ్బా నవ్వించి హిట్ చిత్రాలుగా నిలవడంతో ఈ కాంబోకి హ్యాట్రిక్ ఖాయమే అని ధీమాగా ఉంది చిత్ర యూనిట్. అంతే కాదు గతంలో బ్రహ్మానందం, విష్ణు కాంబినేషన్ లో కడుపుబ్బా నవ్వించే సీన్లు కనిపిస్తున్నాయి. ఈ చిత్రంలో విష్ణు సరసన ప్రగ్యా జైస్వాల్ హీరోయిన్‌గా నటిస్తుండగా.. తమన్ సంగీతాన్ని అందించారు.
