కొన్ని భాదాకరమైన సంఘటనలు చూస్తుంటే ఏ స్థాయిలో ఉన్నవారైనా కంటనీరు పెడతారు. మరీ సున్నితమైన మనసు గలవారు బాహాటంగానే ఏడ్చేస్తారు. భారతీయ చలన చిత్ర రంగంలో ఎన్నో సూపర్ హిట్ చిత్రాలు అందించిన స్టార్ దర్శకులు శంకర్ ఓ సందర్భంలో చిన్న పిల్లాడిలా ఏడ్చారట. వివరాల్లోకి వెళిలే..విక్రమ్, సదా కాంబినేషన్లో వచ్చిన అపరిచితుడు సినిమా రికార్డులు సృష్టించిన విషయం అందరికీ తెలిసిందే. శంకర్ దర్శకత్వం వహించిన తెలుగు, తమిళ భాషల్లో విడుదలై సూపర్హిట్ చిత్రంగా నిలిచింది.
ఈ చిత్రం షూటింగ్ సమయంలో ఓ ప్రమాద సంఘటన జరిగినపుడు ఆయన చిన్న పిల్లాడిలాగా ఏడ్చాడట..ఈ విషయాన్ని అపరిచితుడు సినిమాలోని ముఖ్యమైన యాక్షన్ సన్నివేశాలను ఓ స్టేడియంలో పీటర్ హెయిన్స్ మాస్టర్ నేతృత్వంలో చిత్రీకరిస్తున్నాం. సీన్ కోసం 150 మంది స్టంట్మ్యాన్లు షూట్లో పాల్గొనాలి. ఇక సీన్ కోసం 70 మంది స్టంట్మ్యాన్లు ఒకేసారి గాల్లోకి లేచి కిందపడాలి.
అందు కోసం స్టంట్మ్యాన్స్ అందరికీ తాళ్లు కట్టాం..పైకి లాకేందుకు స్టేడియం బయట లారీని ఉంచాం. ఇక డైరెక్టర్ యాక్షన్ అని చెప్పగానే లాడీ డ్రైవర్ ముందుకు వెళితే..అందరూ ఒకేసారి పైకి లేస్తారు.. డ్రైవర్ మాత్రం యాక్షన్ అని చెప్పకుండానే లారీని ముందుకు నడిపాడు..ఒక్కసారే అందరూ పైకి లేచి కింద పడిపోయారు.
ఆ సమయంలో చాలా మందికి తీవ్రంగా దెబ్బలు తగిలాయి..అక్కడ అంతా రక్తమయం అయ్యింది. వెంటనే వారందరినీ దగ్గరలోని ఆసుపత్రికి తీసుకు వెళ్లి ట్రీట్ మెంట్ చేయించాం. అయితే డైరెక్టర్ శంకర్ మాత్రం ఆ ఘటన జరిగిన తర్వాత చిన్న పిల్లాడిలా ఏడుస్తూ..తీవ్ర వేదనకు లోనయ్యారని ఘటన జరిగిన తీరును చెప్పుకొచ్చాడు సిల్వ.