తెలుగు రాష్ట్రాల్లో మంచి కలెక్షన్లతో దూసుకు పోతున్న ‘మహానటి’ చిత్రం ఓవర్సీస్ లో కూడా తన సత్తా చాటుతుంది. ఈ చిత్రం తీయడానికి ముందు దర్శకుడు నాగ్ అశ్విన్ మహానటి సావిత్రి కి సంబంధించి వివరాలు పూర్తిగా పరిశీలించి..పరిశోదించి చిత్రాన్ని తెరకెక్కించారు. ఈ నేపథ్యంలో సావిత్రి కూతురు విజయ చాముండేశ్వరి, సతీష్ ని కూడా కలిసినట్లు ఆ మద్య ఆడియో వేడుకలో తెలిపారు. ‘మహానటి’ చిత్రం రిలీజ్ అయిన తర్వాత చిత్రం గురించి ఎంతో గొప్పగా పొగిడారు..సావిత్రి కూతురు విజయ చాముండేశ్వరి.
ఈ చిత్రంలో అన్ని నిజాలే చూపించారని..ఇప్పటి వరకు తన తల్లిపై లేని పోని అపోహలు ఉండేవని..కానీ ఈ చిత్రం చూస్తే ఆ అపోహలు అన్నీ తొలగిపోతాయని అన్నారు. తాజాగా సావిత్రి కూతురు విజయ చాముండేశ్వరి ‘మహానటి’పై విమర్శలు గుప్పించారు.
సినిమాలో తన తండ్రి గురించి తప్పుగా చూపించారని ఆరోపించారు జెమిని గ‌ణేశ‌న్ మొద‌టి భార్య కుమార్తె కమలా సెల్వరాజ్.దీంతో మ‌హ‌న‌టి సినిమా వ‌ల్ల జెమిని కుటుంబంలో గొడ‌వ‌లు వ‌స్తున్నాయ‌ని కొన్ని వార్తలు కూడా వ‌చ్చాయి.
అయితే తాజాగా సినిమాలో కొన్ని త‌ప్పులు చేశార‌ని అంటున్నారు సావిత్రి కుమార్తె విజయ ఛాముండేశ్వరి.తన అక్క చేసిన వాఖ్య‌ల‌తో తాను ఏకీభవిస్తాన‌ని తెలిపింది.సినిమాలో అమ్మకి మద్యం సేవించడం నాన్న అలవాటు చేసినట్లుగా చూపించడం తప్పే అది నేను ఒప్పుకుంటాను. సినిమా ఇండస్ట్రీలో మద్యం సేవించడం అనేది చాలా కామన్ అని..ఇది అందులో ఒకరకమైన కల్చర్ గా భావించవొచ్చని..ఇదే పద్దతిలో అమ్మ మందు తాగడం అలవాటు అయ్యిందే తప్ప ప్రత్యేక తన తండ్రి ఏమీ నేర్పించలేదని..అతని కోసమే అమ్మ మద్యానికి అలవాటు అయ్యిందీ అనేది అవాస్తవం అని అన్నారు.
అలాగే మా కుటుంబం అంత క‌లిసే ఉంటాము,దీనికారణంగా మా మధ్య ఎలాంటి విభేదాలు రావు. నా అక్కచెల్లెళ్లను ఎట్టి పరిస్థితుల్లోనూ వదులుకోను. మా నాన్న కుటుంబమే నా కుటుంబం కూడా” అని స్పష్టం చేశారు.
