ఈ మద్య తెలుగు ఇండస్ట్రీలో కమెడియన్ల జోరు బాగా పెరిగిపోయింది. ఒకప్పుడు రాజబాబు, పద్మనాభం, చలం లాంటి వారు కమెడియన్లు గా నటిస్తూనే హీరోగా కొన్ని చిత్రాల్లో నటించి మెప్పించారు. ఆ తర్వాత బ్రహ్మానందం, ఆలీ వంటి కమెడియన్లు హీరోగాలుగా కొన్ని చిత్రాల్లో నటించారు. ప్రస్తుతం సునీల్, సప్తగిరి, శ్రీనివాస్ రెడ్డి లాంటి వారు కమెడియన్స్ గానే కాకుండా హీరోలుగా రాణిస్తున్నారు. తాజాగా ఇదే బాట పట్టారు ‘జబర్ధస్త్ ’ ఫేమ్ షకలక శంకర్.
షకలక శంకర్ని హీరోగా, శ్రీధర్ను దర్శకుడిగా పరిచయం చేస్తూ ఆర్. ఆర్. పిక్చర్స్ సంస్థ, ఎస్.కె. పిక్చర్స్ సమర్పణలో వై. రమణారెడ్డి, సురేష్ కొండేటి సంయుక్తంగా నిర్మిస్తోన్న చిత్రమిది. కామెడీ, సెంటిమెంట్ ఈ చిత్రంలో పుష్కలంగా ఉన్నాయని..షకలక శంకర్ అద్బుతమైన నటన కనబరిచారని నిర్మాణ రమణారెడ్డి అన్నారు.
టీజర్ 50లక్షల వ్యూస్ వైపు దూసుకెళుతోంది. ఒక స్టార్ హీరో టీజర్కి తగ్గని ధమాకా రిజల్ట్ ఇది. దిల్రాజు వంటి అగ్రనిర్మాత కం పంపిణీదారుడు ఈ సినిమా టీజర్ని ప్రశంసించారంటే ఫలితం ముందస్తుగానే ఊహించవచ్చు.మరో నిర్మాత సురేష్ కొండేటి మాట్లాడుతూ -షకలక శంకర్ కథానాయకుడిగానూ నిరూపించుకునే ప్రయత్నమిది. తొలి ప్రయత్నమే పెద్ద సక్సెస్ అవుతాడన్న ధీమా ఉంది. టీజర్కి వచ్చిన హైప్ దృష్ట్యా ఈ చిత్రాన్ని అత్యంత ఘనంగా రిలీజ్ చేస్తున్నాం.
29న రిలీజ్ చేసేందుకు ఏర్పాట్లు చేస్తున్నాం. షకలక శంకర్, కారుణ్య, నాగినీడు, అజయ్ ఘోష్, రవి ప్రకాష్, ప్రభు, ఏడిద శ్రీరామ్ తదితరులు నటించారు. ఈ చిత్రానికి కెమెరా: రాజశేఖర్, సంగీతం: సాయి కార్తిక్, ఎడిటింగ్: ఛోటా.కె. ప్రసాద్, నిర్మతలు: వై. రమణారెడ్డి, సురేష్ కొండేటి, కథ, స్ర్కీన్ ప్లే, దర్శకత్వం: శ్రీధర్. ఎన్.