అన్నపూర్ణ స్టూడియోస్ బ్యానర్ పై యంగ్ టాలెంట్ ను ప్రమోట్ చేస్తూ చిన్న సినిమాలు తీసే పనిలో అన్నపూర్ణ స్టూడియోస్ ప్రస్తుతం బిజీగా ఉంది. ఈ చిన్న సినిమాల నిర్మాణానికి సంబంధించిన బాధ్యతలను ఎక్కువగా నాగ చైతన్య చూసుకుంటున్నాడు. లేటెస్ట్ గా తమ అన్నపూర్ణ స్టూడియోస్ బ్యానర్ పై నిర్మించి ఈనెల 27న విడుదల కాబోతున్న ‘చి ల సౌ’ సినిమాను ప్రమోట్ చేస్తూ చైతన్య ఒక ప్రముఖ దినపత్రికకు ఇచ్చిన ఇంటర్వ్యూలో తన తండ్రి నాగార్జున ఆలోచనలకు రివర్స్ పంచ్ వేసాడు.
‘మహానటి’ లో తాను తన తాత అక్కినేనిని నాగేశ్వరావు పాత్రను పోషించిన విషయం గురించి మాట్లాడుతూ కేవలం అది చిన్న పాత్ర మాత్రమే కావడంతో తాను నటించానని తన తాత అక్కినేనిలా నటించడం తన వల్ల కాదు అంటూ షాకింగ్ కామెంట్స్ చేసాడు. అయితే ప్రస్తుతం బయోపిక్ ల హవా నడుస్తోంది కాబట్టి ఎవరైనా తన తాత అక్కినేని బయోపిక్ ను తీస్తే చూడాలని ఉంది అంటూ తన కోరికను బయటపెట్టాడు.
ఇప్పటికే నాగార్జున అక్కినేని జీవితంలో పెద్దగా సంచలనాలు లేని నేపధ్యంలో ఆయన జీవితం బయోపిక్ కు పనికిరాదు అని కామెంట్స్ చేసిన విషయం తెలిసిందే. అయితే తన తండ్రి అభిప్రాయాన్ని పట్టించుకోకుండా నాగచైతన్య తన తాత పై ఎవరైనా బయోపిక్ తీస్తే బాగుంటుంది అని అభిప్రాయపడుతున్న నేపధ్యంలో నాగ్ అభిప్రాయాలకు చైతన్య విలువ ఇవ్వడం లేదా అని అనిపించడం సహజం.
ఇదే సందర్బంలో చైతన్య దర్శకుల విషయమై కూడ కొన్ని ఆసక్తికర కామెంట్స్ చేసాడు. సీనియర్ డైరెక్టర్స్ కంటే యంగ్ డైరెక్టర్స్ తో సినిమాలు చేయడం సులువు అనీ కామెంట్ చేస్తూ వారంతా తన ఏజ్ గ్రూప్ లో ఉంటారు కాబట్టి వారితో మూవ్ అవ్వడం తనకు సులువు అని అంటున్నాడు ఈ అక్కినేని వారసుడు. త్వరలో తన మామయ్య వెంకటేష్ తో నటించబోతున్న ‘వెంకీ మామ’ సినిమా గురించి మాట్లాడుతూ ఈసినిమా పై తనకు చాల అంచనాలు ఉన్నాయని తన మామయ్యతో చేస్తున్న ఈమూవీలో ఇప్పటి వరకు తాను నటించని ఒక డిఫరెంట్ పాత్రను పోషిస్తున్న విషయాన్ని లీక్ చేస్తున్నాడు చైతన్య..
