తెలుగు ఇండస్ట్రీలో ఈ మద్య కండలు తిరిగిన నటులు బాగానే వస్తున్నారు. సిక్స్ ప్యాక్స్ కి ఉన్న క్రేజ్ అంతా ఇంతా కాదు. బాలీవుడ్ లో కండల వీరుడు సల్మాన్ ఖాన్ కి ఇంకా క్రేజ్ ఉందంటే అతని ఫిట్ నెస్ అనే చెప్పాలి. ఇక తెలుగు ఇండస్ట్రీలో బాహుబలి, బాహుబలి లాంటి బ్లాక్ బస్టర్ చిత్రంలో పోటా పోటా పోటీగా నటించిన నటులు ప్రభాస్, రానా అనే చెప్పాలి. ప్రతినాయకుడిగా నటించిన రానా తెగబలిసిన అడవి దున్నతో పోరాడినపుడు రానా కండలు తిరిగిన బాడీతో ఎంత ఆకట్టుకున్నాడో చూశాం.రానా తెలుగులోనే కాకుండా తమిళ, హిందీ ఇండస్ట్రీలో కూడా తన సత్తా చాటుతున్నాడు.
హిట్, ఫ్లాప్ లతో సంబంధం లేకుండా తన సినిమాలు తాను చేసుకుంటూ పోతున్న రానా ఆ మద్య తేజ దర్శకత్వంలో వచ్చిన నేనే రాజు నేనే మంత్రి మంచి విజయం అందుకున్నాడు. తాజాగా రానా కు సంబంధించిన ఓ ఫోటో సోషల్ మీడియాలో వైరల్ అవుతుంది. నేనే రాజు నేనే మంత్రిలో బ్రిడ్జి మీద పడిపోతున్న కారును తన పిక్క బలంతో ఆపిన రానాయేనా... ఈ రానా ? అని పై ఫొటో చూసిన వారు అవాక్కవుతున్నారు.
అలాంటి రానా కు సంబంధించిన ఓ ఫోటో సోషల్ మీడియాలో అందరికీ షాక్ ఇస్తుంది. కొందరయితే పై ఫొటోలో రానాను గుర్తించడమే కష్టమైపోయిందంటున్నారు. బుధవారం బాబీ దర్శకత్వంలో వస్తున్న వెంకీ-నాగ చైతన్య సినిమా ఓపెనింగ్ రామానాయుడు స్టూడియోలో జరిగింది. కార్యక్రమానికి మీడియా, ఫోటో గ్రాఫర్లను ఎవ్వరినీ పిలవలేదు. వెంకి, నాగ చైతన్య చిత్రం అంటే ఎంతో గ్రాండ్ గా ఉంటుందని భావించినా..పెద్దగా హడావుడి ఏమీ చేయలేదు.
కేవలం యూనిట్ ఫొటోగ్రాఫర్ మాత్రమే కొన్ని ఫొటోలు తీశారంతే. ఇదిలా ఉంటే ఈ మద్య రానా ఆరోగ్యం పై వచ్చిన రూమర్స్ ను అటు సురేష్ బాబు ఇటు రానా కూడా ఖండించారు. రానా తన తరువాత సినిమా కోసం కొత్త లుక్ ట్రై చేస్తున్నాడు అందుకే అది రివీల్ కాకుండా వుండేందుకు ఆ చిత్ర యూనిట్ జాగ్రత్తలు తీసుకున్నారట. తాజాగా రానా కు సంబంధించి ఫోటో చూస్తే మాత్రం అందరూ ఆశ్చర్యపోతున్నారు.