తెలుగు ఇండస్ట్రీలో సూపర్ స్టార్ కృష్ణ నట వారసుడు ప్రిన్స్ మహేష్ బాబు. ఇప్పటి వరకు ఎన్నో అద్భుతమైన చిత్రాల్లో నటించిన మహేష్ బాబు ఈ మద్య కొరటాల శివ దర్శకత్వంలో వచ్చిన ‘భరత్ అనేనేను’ బ్లాక్ బస్టర్ విజయంతో హ్యపీమూడ్ లో ఉన్నారు. అంతే కాదు ఈ చిత్రం మహేష్ కెరీర్ లో రూ.200 కోట్ల క్లబ్ లో చేరింది. శ్రీమంతుడు చిత్రం తర్వాత మహేష్ బాబు నటించిన ‘బ్రహోత్సవం’ భారీ డిజాస్టర్ గా మిగిలిపోయింది.
శ్రీకాంత్ అడ్డాల తెరకెక్కించిన ఈ సినిమాలో, మహేశ్ బాబు సరసన కాజల్ .. సమంత .. ప్రణీత కథానాయికలుగా నటించారు. భారీ తారాగణం కనువిందు చేసినా .. కథాకథనాల పరంగా ఈ సినిమా పేక్షకులను అంతగా ఆకట్టుకోలేకపోయింది. ప్రస్తుతం మహేష్ కి తమిళనాట మంచి క్రేజ్ ఉంది. దాంతో ఇప్పుడు 'బ్రహ్మోత్సవం' సినిమాను అక్కడ 'అనిరుధ్' అనే పేరుతో విడుదల చేయనున్నారు.
ప్రస్తుతం అందుకు సంబంధించిన సన్నాహాలు జరుగుతున్నాయి. ఆగస్టు 3వ తేదీన ఈ సినిమాను భారీస్థాయిలో ప్రేక్షకుల ముందుకు తీసుకురానున్నారు. మిక్కీ. జె మేయర్ సంగీతాన్ని సమకూర్చిన ఈ సినిమా, తమిళనాట భారీ వసూళ్లను సాధిస్తుందనే నమ్మకంతో నిర్మాతలు వున్నారు. వాళ్ల నమ్మకాన్ని ఈ సినిమా నిలబెడుతుందేమో చూడాలి.
