తెలుగు ఇండస్ట్రీలో భరత్ అనే నేను చిత్రంతో సూపర్ హిట్ అందుకున్న మహేష్ బాబు తాజాగా నిర్మాత, దర్శకులు పైడిపల్లి వంశి దర్శకత్వంలో ఓ చిత్రంలో నటిస్తున్నాడు. ఈ చిత్రంలో మహేష్ బాబు న్యూ లుక్ తో కనిపించడమే కాదు కాలేజ్ స్టూడెంట్ గా అందరినీ అలరించబోతున్నాడట. ఆ మద్య శ్రీమంతుడు చిత్రంలో కూడా కాలేజ్ స్టూడెంట్ గా చాలా హ్యాండ్ సమ్ గా కనిపించాడు. ఇక కాలేజ్ అంటే అదో అందమైన ప్రపంచం..ఆటలు, పాటలు, ర్యాగింగ్, గొడవలు ఇలా ఎన్నో వండర్స్ ఉంటాయి.
తాజాగా ఈ చిత్రంలో కూడా అలాంటి వాతావరణం చూపించబోతున్నట్లు తెలుస్తుంది. ఆ మద్య అర్జున్ రెడ్డి చిత్రంలో ఫుడ్ బాల్ ఆటతో మొదలై..పెద్ద గొడవ తో ముగుస్తుంది. తాజాగా మహేష్ సినిమాలో కూడా ఇలాంటి పైట్ తప్పలేదు. క్రికెట్ ఆట సందర్భంగా బ్యాట్ లను బ్యాటింగ్ కోసం కాకుండా, ఫైటింగ్ కోసం వాడక తప్పలేదు. ఈ సినిమాకు సంబంధించి గడచిన రెండు మూడు రోజులుగా ఓ ఫైట్ చిత్రకరించారు.
కాలేజీలో క్రికెట్ ఆట సందర్భంగా రెండు విద్యార్థి గ్రూప్ ల మధ్య వివాదం తలెత్తి, ఫైటింగ్ కు దారితీయడం, ఆ నేపథ్యంలో భారీ ఫైట్ అన్నమాట.
అయితే ఈ సినిమా షూటింగ్ షరవేగంగా జరుగుతుంది..కానీ ఇప్పటి వరకు టైటిల్ మాత్రం నిర్ణయం కాలేదు..మొత్తానికి ఈ సినిమాలో కొంత భాగం మహేష్ స్టూడెంట్ గా ఉండటం..ఆ సమయంలో క్రికెట్ ఫైట్ ఉండటం సినిమా కొత్త యాంగిల్ లో ప్రజెంట్ చేస్తున్నట్లు అర్థం అవుతుంది.
