తెలుగు లో వస్తున్న బిగ్ బాస్ సీజన్ 2 సీజన్ రోజు రోజుకీ ఆసక్త పెరుగుతూ వస్తుంది. బిగ్ బాస్ లో ప్రతిరోజూ కొత్త టాస్క్ లతో ఇంటి సభ్యులు చేస్తున్న హంగామా అంతా ఇంతా కాదు. అయితే ఈ టాస్క్ ల వల్ల ఇంటి సభ్యుల మద్య గొడవలు కూడా జరుగుతున్నాయి. ముఖ్యంగా బిగ్ బాస్ లో ఇంటి సభ్యులు అంతా కౌశల్ నే టార్గెట్ చేసుకొని గేమ్ ఆడుతున్నట్లు కనిపిస్తుంది..కానీ కౌశల్ మాత్రం ఎక్కడ బెండ్ అవకుండా తన గేమ్ తాను పర్ఫెక్ట్ గా ఆడుతూ వెళ్తున్నాడు. బుధవారం (ఎపిసోడ్ 52)లలో ఇంటి సభ్యులు పైరేట్స్ వర్సెస్ సర్వైవర్స్ అనే టాస్క్ని అద్భుతంగా ఆడారు.
మంగళవారం రోజు సర్వైవర్స్గా ఉన్న వారు బుధవారం సర్వైవర్స్గా ఉన్న వారికంటే అద్భుతంగా ఆడడంతో బిగ్ బాస్ మంగళవారం సర్వైవర్స్గా ఉన్న వారిని విజేతలుగా ప్రకటించారు. సర్వైవర్స్ వర్సెస్ పైరేట్స్ టాస్క్లో ఎవరు బాగా ఆడారో ఇంటి సభ్యులు డిసైడ్ చేసి చెప్పాలని బిగ్ బాస్ ఆదేశించడంతో అందరు కలిసి పూజా, రోల్రైడాలని బెస్ట్ పర్ఫార్మర్స్గా ఎంపిక చేశారు. ఇక చెత్త పర్ఫార్మర్స్గా గీతా మాధురి, సామ్రాట్, గణేష్ లని ఎంపిక చేశారు. గేమ్లో బెస్ట్ పెర్ఫామెన్స్ ఇచ్చిన పూజా, రోల్ రైడాలు ఈ వారం కెప్టెన్ పోటీదారులుగా ఉంటున్నట్టు బిగ్ బాస్ ప్రకటించారు. బెస్ట్ పర్ఫార్మర్స్గా ఎంపికైన పూజా, రోల్ రైడాలలో ఒకరు చోటా బాస్గా, మరొకరు ఎకౌంటెంట్గా ఉండాలని బిగ్ బాస్ అన్నారు.
వీరికి సేవకులుగా గీతా మాధురి, గణేష్, సామ్రాట్ ఉండాలని ఆదేశించారు. ఈ ముగ్గురిలో ఎవరైతే చోటా బాస్ని, ఎకౌంటెంట్ని మెప్పించి ఎక్కువ డబ్బులు సంపాదిస్తారో వారు కెప్టెన్ పోటీ దారునిగా ఉంటారని ,మిగిలిన ఇద్దరు జైల్లో ఉండాల్సి వస్తుందని ట్విస్ట్ పెట్టారు బిగ్ బాస్. పూజా, రోల్ రైడా వారికి ఏ పనైనా చెప్పొచ్చని..ఎలాంటి ఆర్డర్ అయినా వేయొచ్చని చెప్పాడు బిగ్ బాస్. దాంతో పూజా, రోల్ రైడా ఈ ముగ్గురితో భలే గేమ్ ఆడుకున్నారు. కెప్టెన్ పోటీదారునిగా నిలిచేందుకు సామ్రాట్ అమ్మాయిగా మారితే, గణేష్ లుంగీ కట్టి మాస్లుక్లోకి వచ్చాడు. ఇక గీతా మాధురి ఏ విషయాన్నైన గట్టిగా చెబుతూ పోటీలో నిలిచేందుకు ప్రయత్నిచింది.
ఈ ముగ్గురిలో సామ్రాట్ లేడీ గెటప్ వేసుకొని పెదాలకు లిఫ్ టిక్ పెట్టుకొని అందరు సభ్యులను ఆటపట్టించింది. బాబు గోగినేని, అమిత్లతో రొమాన్స్ చేస్తూ... డియో డియో డిసక డిసక అనే సాంగ్కి స్టెప్పులు కూడా ఇరగదీసాడు సామ్రాట్. చోటా బాస్, అకౌంటెంట్లని సామ్రాట్ బాగా అలరించడంతో..సామ్రాట్ కి ఎక్కువ డబ్బులు ఇచ్చారు పూజా, రోల్ రైడాలు. దీంతో మరో కెప్టెన్ పోటీ దారుడిగా సామ్రాట్ ఎంపిక అయ్యారు. అయితే సేవకులుగా ఉన్న వారిలో గణేష్ 34 వేలు సంపాదించగా.. గీతా మాధురి 25 వేలు.. సామ్రాట్ 40 వేలు సంపాదించారు.