తెలుగు ఇండస్ట్రీలో స్వాతినాయుడు అంటే తెలియని వారు ఉండరు. పలు శృంగార చిత్రాల్లో నటించి.. షార్ట్ ఫిల్మ్స్‌ కుర్రాళ్ల మతులు పోగొడుతూ..హాట్ హాట్ ఫోటోలు అప్ లోడ్ చేస్తూ హల్ చేస్తూ ప్రచారం పొందింది స్వాతినాయుడు. టాలీవుడ్ సన్నీలియోన్ అనిపించుకోవాలనే కోరికతో న్యూడ్‌గా నటించేందుకు కూడా తాను సిద్ధమే స్టేట్ మెంట్స్ ఇచ్చినా..ఈ అమ్మడిని పట్టించుకునే నాధుడే లేరు. అయినా కూడా ఎక్కడా నిర్మాతల దృష్టి తనపై పడేలా రక రకాలుగా ప్రయత్నాలు చేస్తుంది.
అయితే స్వాతి నాయుడికి ఎప్పటి నుంచో ఒక కోరిక ఉందట. ఓ మూవీలో ఫుల్ తెన్త్ పాత్రతో కనిపించాలని..మొత్తానికి స్వాతి నాయుడు కోరిక తీరింది..అది కూడా ‘ఆమె కోరిక’తో కావడం మరో విశేషం. స్వాతినాయుడు నటించిన చిత్రం ‘ఆమెకోరిక’ ఆగష్టు 10న విడుదలైంది. ఆంధ్రలో 40 థియేటర్స్‌కి పైగా విడుదల కావడంతో ఈ మూవీ సక్సెస్ మీట్‌ను నిర్వహించారు చిత్ర యూనిట్. వల్లభనేని సురేష్‌ చౌదరి దర్శకత్వంలో చిక్కల సత్యనారాయణ, ఎమ్‌.రత్నాకర్‌ సంయుక్తంగా ఈ చిత్రాన్ని నిర్మించారు.
ఈ సందర్భంగా స్వాతినాయుడు మాట్లాడుతూ..ఇది నా సినిమా కాదు. మనందరి సినిమా అంటూ..తనపై ఎంతో మంది రక రకాలుగా కామెంట్స్ చేశారని..ఎన్ని మాటలు అన్నా అవన్నీ పట్టించుకోకుండా నా మీద ఉన్న నమ్మకంతో దర్శక, నిర్మాతలు నాకు ఈ చిత్రంలో అవకాశం ఇచ్చారు. ఇది అందరూ అనుకునేలా రొమాంటిక్ మూవీ కాదని..ఓ మెసేజ్ తో పాటు నటనకు మంచి స్కోప్ ఉన్న చిత్రం అని అన్నారు.
నా ఫ్యాన్స్ అందరూ నన్ను చిన్న స్క్రీన్స్ మొబైల్స్‌లో మాత్రమే చూశారు. నన్ను బిగ్ స్క్రీన్స్‌పై చూడాలన్నది వాళ్ల కోరిక తీరిందని నాకు ఎంతో సంతోషంగా ఉందని స్వాతినాయుడు అన్నారు. ఇదే సినిమాను తమిళంలో కూడా విడుదల చేస్తాం. త్వరలో తెలంగాణలో కూడా విడుదల చేస్తామని అన్నారు స్వాతి నాయుడు.
