సంచలన దర్శకుడు రాంగోపాల్ వర్మ ఏది చేసినా అది సంచలనమే..ఇప్పటి వరకు ఆయన కెరీర్ లో ఎన్నో వివాదాస్పద చిత్రాలు తెరకెక్కించారు. తాజాగా ‘లక్ష్మీస్ ఎన్టీఆర్’ చిత్రాన్ని రూపొందిస్తున్న విషయం తెలిసిందే. ఈ చిత్రం ఎన్టీఆర్ స‌తీమ‌ణి లక్ష్మీ పార్వతి కోణంలో తెర‌కెక్కిస్తున్న‌డు. ఎన్టీఆర్ జీవితంలో లక్ష్మీ పార్వతి వచ్చిన తర్వాత ఎలాంటి పరిణామాలు జరిగాయి..ఎన్టీఆర్ ఎలాంటి నిర్ణయాలు తీసుకున్నారు..అసలు లక్ష్మీ పార్వతిని ఎందుకు పెళ్లి చేసుకున్నారు అన్న అంశాలు ఉండబోతున్నాయట.
ఇటీవల ఈ చిత్రం నుంచి కుట్ర కుట్ర..వెన్నుపోటు అనే సాంగ్ రిలీజ్ చేసి సంచలనాలు సృష్టించారు. ఈ చిత్రం నుంచి రెండో పాట ఎందుకు? రిలీజ్ చేశారు. ఈ పాట‌పై కూడా తొలిసాంగ్ వెన్నుపోటు మాదిరిగానే వివాదాలు చుట్టుముడుతున్నాయి. తాజాగా ఈ పాట విన్న లక్ష్మీ పార్వతి స్పందిస్తూ..ఎందుకు? అనే పాట తనకు బాధ కలిగించిందని లక్ష్మీపార్వతి తెలిపారు.
ఈ పాటలో రాంగోపాల్ వర్మ తనని దారుణంగా విమర్శిస్తున్నట్లు ఉందని..వ్యాఖ్యానించారు. అయితే పాట చివరిలో మాత్రం ఇవన్నీ ప్రశ్నలేనని వర్మ చెప్పారన్నారు. మరి ముందు ముందు ‘లక్ష్మీస్ ఎన్టీఆర్’ ఎన్ని వివాదాలు సోషల్ మీడియాలో హల్ చల్ చేయనున్నాయో వేచి చూడాలి.
