ఈ మద్య మహిళలపై లైంగిక వేధింపులు, అత్యారాచాలు, హత్యలు రోజు రోజుకీ పెరిగిపోతూనే ఉన్నాయి. ఉదయం లేచిన మొదలు రాత్రి పడుకునే వరకు ఎక్కడో అక్కడ ఆడవారిపై దాడులు జరుగుతూనే ఉన్నాయి. అయితే ఇది సామాన్య మహిళలకే కాదు సినీ పరిశ్రమలో కొంత మంది హీరోయిన్లు కూడా ఈ బాధలు ఎదుర్కొంటున్నారు. ఆ మద్య మాలీవుడ్ నటి భావనపై సొంత డ్రైవర్ అత్యాచారం చేయడానికి యత్నించారు. ఆ తర్వాత ఎంతో మంది నటీమణులు తమపై లైంకి దాడులు జరిగాయని ఆరోపణలు చేశారు.
తాజాగా ఓ నటిపై డాక్టర్ పలుమార్లు అత్యాచారం చేయడం కలకలం సృష్టించింది. వివరాల్లోకి వెళితే..మోడల్ గా కెరీర్ ను మొదలు పెట్టిన ఓ బాలీవుడ్ నటి కొన్ని సీరియల్స్ లో నటిస్తూ జీవితాన్ని వెల్లబుచ్చుతుంది. ఇదే సమయంలో ఆమె అనారోగ్యం పాలు కావడంతో ఓ వైద్యుడిని సంప్రదించింది. ఆ వైద్యుడు ఆమెకు మాయమాటలు చెబుతూ..స్నేహాన్ని పెంచుకున్నాడు.
ఇదే సమయంలో వారి మద్య శారీరక సంబంధం కూడా ఏర్పడింది. ఈ సందర్భంగా వారిద్దరు కలిసి ఉన్న ఫోటో ఒకటి ఆ నటికి చూపించి బ్లాక్ మెయిల్ చేయడం మొదలు పెట్టాడు. అలా బ్లాక్ మెయిల్ చేస్తూ పలుమార్లు అత్యాచారం చేశాడు. చివరకు అతని వేధింపులు తట్టుకోలేక బాధితురాలు పోలీసులను ఆశ్రయించింది. వెంటనే పోలీసులు నిందితుడిని అదుపులోకి తీసుకొని పలు సెక్షన్ల కింద కేసు నమోదు చేశారు.
