ఇటీవల ‘సండకోళి 2’ చిత్రాన్ని తెరకెక్కించిన లింగుస్వామి త్వరలోనే విక్రం హీరోగా ఓ సినిమాను రూపొందించనున్నారని కోలీవుడ్‌ వర్గాలు చెబుతున్నాయి. 2008లో వీరిద్దరి కలయిలో ‘భీమా’ చిత్రం వచ్చింది. అయితే ఈ సినిమా కమర్షియల్‌గా విజయం సాధించలేక పోయింది. ఈ నేపథ్యంలో లింగుస్వామి దర్శకత్వంలో విక్రం నటించడానికి సిద్ధమైనట్లు సమాచారం.
విక్రం ‘కడారం కొండాన్‌’ చిత్రంలో నటించారు. త్వరలోనే ఈ సినిమా విడుదల కానుంది. మరోవైపు అజయ్‌ జ్ఞానముత్తు దర్శకత్వంలోని చిత్రంలో నటిస్తున్నారు. ఇది కూడా త్వరలో విడుదల కానుంది. ఈ నేపథ్యంలో ఇటీవల లింగుస్వామి ఓ కమర్షియల్‌ కథను విక్రంకు వినిపించినట్లు సమాచారం. దీనికి ఆయన కూడా ఓకే చెప్పారని తెలుస్తోంది. లింగుస్వామి దర్శకత్వంలోని ‘పయ్యా’ మంచి విజయాన్ని సొంతం చేసుకుంది.
అయితే ఆ తర్వాత వచ్చిన అంజాన్‌, సండకోళి 2 చిత్రాలు ఆశించిన విజయాన్ని ఇవ్వలేకపోయాయి. దీంతో విక్రం సినిమాపై పెద్ద ఎత్తున దృష్టిపెట్టినట్లు సంబంధిత వర్గాలు చెబుతున్నాయి. ప్రస్తుతం విక్రమ్ కొడుకు హీరోగా చేస్తున్న "ఆదిత్య వర్మ" సినిమా మీద పూర్తి దృష్టి పెట్టాడు విక్రమ్. ఈ సినిమా నుండి దర్శకుడు తప్పుకున్న సంగతి తెలిసిందే.
అయితే "అదిత్య వర్మ" సినిమాని "గిరీశాయ" అనే కొత్త దర్శకుడితో తెరకెక్కిస్తున్నారు. ఇటీవల "ఆదిత్య వర్మ" టీజర్ విడుదల అయింది. ఈ టీజర్ కి మంచి స్పందన వచ్చింది. అయితే విక్రమ్ అర్జుమ్ రెడ్డి దర్శకుడయిన సందీప్ వంగాని ఆదిత్య వర్మ కి సంబంధించి కొన్ని బాధ్యతలు తీసుకోమని రిక్వెస్ట్ చేసాడట. ప్రస్తుతం కొడుకు ధృవ్ లాంచ్ చేసే పనిలీ బిజీగా ఉన్నాడు విక్రమ్.
