కింగ్ నాగార్జున , 'చి ల సౌ' ఫేమ్ రాహుల్ రవీంద్రన్ కలయికలో తెరకెక్కిన చిత్రం మన్మథుడు 2. అన్ని కార్యక్రమాలను ముగించుకొని విడుదలకు సిద్దమవుతుంది ఈ చిత్రం. ఇక ఈసినిమా ట్రైలర్ చూస్తే అడల్ట్ సినిమా అని అర్థమవుతుంది. అయితే సెన్సార్ నుండి మాత్రం యూ /ఏ సర్టిఫికేట్ తెచ్చుకుంది ఈ చిత్రం. అందుకోసం బోర్డు చెప్పినివన్నీ చేసారు మూవీ మేకర్స్.
ఈసినిమా ఫ్రెంచ్ మూవీ 'ఐ డు' కి రీమేక్ గా తెరకెక్కినది కావడంతో సినిమాలో బూతు పదాలు వాడడం కామన్. అయితే సెన్సార్ ఆ పదాలను అన్నింటిని మ్యూట్ చేయించిందట. ఒక 6నుండి 7 పదాల వరకు మ్యూట్ చేశారని సమాచారం. అలాగే రకుల్ ప్రీత్ , ఝాన్సీ ని ముద్దు పెట్టుకొనే సన్నివేశాన్నికూడా బ్లర్ చేశారట. మరి ఈ సినిమాకి ఫ్యామిలీ ఆడియెన్స్ ఎంత వరకు కనెక్ట్ అవుతారో చూడాలి.
ఇక ఈ చిత్రంలో నాగ్ కు జోడిగా రకుల్ ప్రీత్ సింగ్ నటించగా కన్నడ హాట్ బ్యూటీ అక్షరా గౌడ , వెన్నల కిషోర్,రావు రమేష్ , లక్ష్మి ముఖ్య పాత్రల్లో నటించారు. వీరితో పాటు సమంత కూడా ఓ స్పెషల్ రోల్ లో కనిపించనుంది. ఆర్ఎక్స్ 100 ఫేమ్ చైతన్ భరద్వాజ్ సంగీతం అందించిన ఈ చిత్రాన్ని నాగార్జున , జెమిని కిరణ్ సంయుక్తంగా నిర్మించారు. ఆగస్టు 9న ఈ చిత్రం ప్రేక్షకులముందుకు రానుంది. కాగా గత ఏడాది ఆఫీసర్ తో షాక్ తిన్న నాగార్జున ఆ తరువాత నాని తో కలిసి దేవదాస్ అనే మల్టీ స్టారర్ సినిమాలో నటించాడు. ఆ సినిమా కూడా యావరేజ్ గానే ఆడింది. మరి ఇప్పుడు మన్మథుడు 2 తోనైనా నాగ్ సక్సెస్ ట్రాక్ ఎక్కుతాడో లేదో తెలియాలంటే మరో రెండు రోజులు వేచి చూడాల్సిందే.
