సైరా మరికొన్ని గంటల్లోనే రిలీజ్ కాబోతున్నది. అభిమానుల్లో తెలియని ఉత్కంఠత మొదలైంది. ఉత్కంఠతతో పాటు సినిమా ఎలా ఉంటుందో
అనే టెన్షన్ కూడా ఉన్నది. ఇక స్పెషల్ షోలకోసం థియేటర్లు సిద్ధం అవుతున్నాయి. చెన్నైలో రేపు ఉదయం 8 గంటలకు స్పెషల్ షోలు వేస్తున్నారు. అయితే, ఏపీ, తెలంగాణలో స్పెషల్ ప్రీమియర్ షోలు వేస్తున్నారా లేదా అన్నది తెలియాల్సి ఉన్నది. ఏ సినిమాకు సంబంధించిన ఎలాంటి చిన్న న్యూస్ అయినప్పటికీ సోషల్ మీడియాలో విపరీతంగా ట్రెండ్ అవుతున్నది.
ఈ సినిమాలో జాతరకు సంబంధించిన ఓ సాంగ్ ఉన్నది. దీన్ని భారీ ఎత్తున నిర్మించారు. దాదాపు 14 రోజులపాటు ఈ సాంగ్ ను షూట్ చేశారట. ఈ సాంగ్ లో 4500మంది జూనియర్ ఆర్టిస్టులు పాల్గొన్నారు. ఈ స్థాయిలో జూనియర్ ఆర్టిస్టులతో సాంగ్ ను షూట్ చేయడం ఇదే మొదటిసారి. 4500 మంది డ్యాన్సర్లతో సాంగ్ ను షూట్ చేయడం అంటే మాములు విషయం కాదు. సినిమాలో ఈ సాంగ్ కు చాలా ప్రత్యేకత ఉన్నట్టు సమాచారం.
సినిమాలో ఈ సాంగ్ చాలా కీలకం అని, అందుకే ఆ సాంగ్ ను ఆ స్థాయిలో చిత్రీకరించారట. స్పెషల్ గా ఉండాలని, అందుకోసమే సాంగ్ ను అలా షూట్ చేశామని యూనిట్ ఇప్పటికే స్పష్టం చేసింది. ఈ సాంగ్ ఎప్పుడు వస్తుంది.. ఏ స్సందర్భంలో వస్తుంది అన్నది సినిమా రిలీజైతేగాని తెలియదు. మూవీపై ఇప్పటికే అంచనాలు ఉన్నాయి. దాదాపు 270కోట్ల రూపాయల భారీ బడ్జెట్ తో సినిమాను నిర్మించారు.
పాన్
ఇండియా మూవీగా తెరకెక్కిన ఈ మూవీలో అన్ని భాషలకు చెందిన నటీనటులు ఉండటం విశేషం. మెగాస్టార్ కెరీర్లోనే అత్యంత ఖరీదైన మూవీగా చిత్రీకరణ జరిగింది. విజువల్ ఎఫెక్ట్స్ పరంగా కూడా సినిమాకు ప్రాధాన్యత ఉంది. ఇందులో 3300 విజువల్ ఎఫెక్ట్స్ షాట్స్ ను వినియోగించారు. ఆ స్థాయిలో విజువల్ ఎఫెక్ట్స్ ను వియోగించినా..వాటిలోని ఎమోషన్స్ మిస్ కాకుండా చూసుకోవడంలో దర్శకుడు సక్సెస్ సాధించాడని రాజమౌళి చెప్పడం విశేషం.