మొదట కమెడియన్ గా తెలుగు సినిమా పరిశ్రమ లో కెరియర్ మొదలు పెట్టిన బండ్ల గణేష్ తన కంటూ మంచి గుర్తింపు సంపాదించారు. ఆ తర్వాత సినిమా ప్రొడ్యూసర్ గా అడుగుపెట్టి
గబ్బర్ సింగ్, టెంపర్ మొదలగు పలు చిత్రాలను నిర్మించి అతి తక్కువ టైంలోనే బ్లాక్ బస్టర్ ప్రొడ్యూసర్ గా ఇండస్ట్రీ లో మంచి గుర్తింపు తెచ్చుకున్నాడు బండ్ల గణేష్.
ఆ తర్వాత సినిమా నిర్మాణానికి కొంత కాలం దూరమైన బండ్ల గణేష్..ఈ మధ్య తాజాగా మహేష్ బాబు నటిస్తున్న సరిలేరు నీకెవ్వరూ సినిమాతో మళ్లీ కమెడియన్ గా రీ ఎంట్రీ ఇవ్వబోతున్నాడు.
తాజాగా ఈ సినిమాకు సంబంధించిన షూటింగ్‌లో పాల్గొన్నారు . గతంలో మహేష్ బాబు హీరోగా నటించిన ‘బిజినెస్ మేన్’లో నటించారు బండ్ల గణేష్ .ఈ సినిమాలో నటించేందుకు భారీ రెమ్యూనరేషన్ కోరారు అని పుకార్లు వినిపిస్తున్నాయి .
ఇదిలా ఉంటె గణేష్ నిర్మించిన గోవిందుడు అందరివాడే చిత్రం నేటితో ఐదేళ్లు పూర్తి చేసుకుంది. 2014లో అక్టోబరు 1న ఆ చిత్రం ప్రేక్షకుల ముందుకు వచ్చింది. ఈ నేపథ్యంలో పాత జ్ఞాపకాలను గుర్తు చేసుకున్న బండ్ల గణేష్.. రామ్‌చరణ్‌తో మరో బ్లాక్ బస్టర్ చిత్రాన్ని తీయాలని ఉందని సోషల్ మీడియా ట్విట్టర్ ద్వారా వెల్లడించారు.
మళ్లీ మీ తో ఓ సినిమా తీసి ఆ సినిమాను బ్లాక్ బస్టర్ సినిమాగా ప్రజల ముందు ఉంచాలని ‘మరో ఛాన్స్ ఇవ్వండి బాస్’.. అంటూ రామ్‌చరణ్‌ను ట్విటర్ వేదికగా రిక్వెస్ట్ చేశారు. ఆ అవకాశాన్ని త్వరగా ఇవ్వాలని కోరారు బండ్ల గణేష్. మరి రామ్ చరణ్ తన కోరిక తీరుస్తాడో లేదో వేచి చూడాలి మరి.లిటిల్ బాస్ సరే అంటే మళ్ళి వీరిద్దరి కాంబినేషన్ లో మంచి బ్లాక్ బస్టర్ రాబోతుంది అని ఆశిద్దాం.
