కోలీవుడ్ కల్ట్ మూవీ '96' ఇప్పుడు తెలుగులో రీమేక్ అవుతున్న విషయం తెలిసిందే. ఈ రీమేక్ లో శర్వానంద్ , సమంత జంటగా నటిస్తుండగా ఒరిజినల్ వెర్షన్ డైరెక్టర్ ప్రేమ్ కుమార్ ఈ చిత్రాన్ని తెరకెక్కిస్తున్నాడు. ఈ రోజు తో సమంత తన పాత్ర తాలూకు షూటింగ్ ను కంప్లీట్ చేసింది. ఈ సందర్భంగా విడుదలచేసిన సమంత స్టిల్ నెటిజన్లను ఆకట్టుకుంటుంది. బ్యూటిఫుల్ లవ్ స్టోరీ నేపథ్యం లో తెరకెక్కుతున్న ఈ చిత్రానికి జాను అనే టైటిల్ ప్రచారం లో వుంది.
శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్న ఈ చిత్రానికి గోవింద్ వసంత సంగీతం అందిస్తున్నాడు. ఈనెలలో ఈసినిమా షూటింగ్ ను కంప్లీట్ చేసి వచ్చే ఏడాది ఫిబ్రవరి 14 న ప్రేమికుల రోజు కానుకగా ఈ చిత్రాన్ని విడుదలచేసేలా మేకర్స్ ప్లాన్ చేస్తున్నారు.
ఇక ఇటీవల ఓబేబి తో ప్రేక్షకులముందుకు వచ్చి సూపర్ హిట్ కొట్టింది సమంత. కొరియన్ మూవీ మిస్ గ్రానీ కి రీమేక్ గా తెరకెక్కిన ఈ చిత్రం 30 కోట్ల గ్రాస్ వసూళ్లను రాబట్టి అదుర్స్ అనిపించింది. అయితే ఈ చిత్రం తరువాత సమంత ఇంతవరకు మరో సినిమాకు సైన్ చేయలేదు. దాంతో సమంత త్వరలోనే సినిమాలకు గుడ్ బై చెప్పనుందనే ఊహాగానాలు వెలుబడుతున్నాయి. ఇదిలా ఉంటే ఇటీవల పడి పడి లేచె మనసు , రణరంగం రూపంలో డిజాస్టర్ లను చవిచూసిన శర్వానంద్ జయాపజయాలతో సంబంధం లేకుండా వరుస సినిమాలకు కమిట్ అవుతున్నాడు. అందులో భాగంగా ప్రస్తుతం శర్వా ,96 రీమేక్ తో పాటు శ్రీకారం అనే చిత్రంలో నటిస్తుండగా ఇటీవలే తమిళ డైరెక్టర్ తో ఓ సినిమా చేసేందుకు గ్రీన్ సిగ్నల్ ఇచ్చాడు.