టీవీ9 రవిప్రకాశ్, తెలుగు జర్నలిజాన్ని కొత్త పుంతలు తొక్కించిన వాడు.. తేజా టీవీతో టీవీ మీడియా జర్నలిజం మొదలుపెట్టి.. టీవీ9తో దాన్ని కొత్త దారులు పట్టించాడు. నిజంగా టీవీ9.. అందులో రవిప్రకాశ్ స్టోరీలు, ప్రజంటేషన్ అప్పట్లో ఓ సంచలనం.. ఆయన్ను చూసి.. ఆయనలా పేరు తెచ్చుకోవాలని మీడియా రంగంలో ఎందరో కుర్రాళ్లు అడుగుపెట్టారు కూడా.
టీవీ9 ద్వారా కొన్ని సామాజిక దురాచారాలపైనా రవిప్రకాశ్ ధ్వజమెత్తుతారు. మెరుగైన సమాజం కోసం.. ఇదీ టీవీ9 ట్యాగ్ లైన్. అలాగే కట్నం తీసుకునేవాడు గాడిద, జ్యోతిష్యం ఓ మూఢనమ్మకం అంటూ ప్రచారం చేస్తుంటారు కూడా. అలాంటి రవిప్రకాశ్ లోని ఓ కొత్త కోణాన్ని బయటపెట్టారు పవన్ కల్యాణ్.. శ్రీరెడ్డి ఉదంతం తర్వాత రవిప్రకాశ్ పై దుమ్మెత్తిపోస్తున్న పవన్ ఆయనపై యుద్ధమే చేస్తున్నారు.
ఈ యుద్ధంలో భాగంగా పవన్ కల్యాణ్ ఓ యజ్ఞంలో పాల్గొన్న ఫోటోను పవన్ కల్యాణ్ ట్విట్టర్ ద్వారా బయటపెట్టారు. రవీ మీకు ఇలాంటి పూజల్లో కూడా నమ్మకముందా.. అంటూ కామెంట్ కూడా పెట్టారు. అయితే ఈ ఫోటో మరీ అంత కొత్త విషయమేమీ కాదు. గతంలోనూ ఇది నెట్టింట్లో చక్కర్లు కొట్టిందే... కాకపోతే ఇప్పుడు పవన్ యుద్ధం ప్రారంభించారు కాబట్టి ఆయనకు కొత్త అనుకోవాల్సి ఉంటుంది.
