నిత్యం దైవసంబంధమైన కార్యక్రమాలతో బిజీగా ఉండే వ్యక్తుల హృదయాలు అప్పుడప్పుడు పసిహృదయల్లా మారిపోతుంటాయి. ఆ సమయంలో తమకు తెలియకుండానే తమలో ఉన్న కళాకారుడు బయటకు వస్తుంటాడు. వాడు బయటకు వచ్చిన కాసేపు లోకాన్ని మర్చిపోయి సరదాగా అందరితో కలిసి పాటపడతాడు. స్టెప్పులు వేస్తాడు.. అందరిని అలరిస్తుంటాడు. ఇలాంటి సంఘటన ఇటీవలే ఢిల్లీలో జరిగింది.
ఢిల్లీలోని ఓ చర్చి ఫాదర్ మాథ్యూస్ లవ్ యాక్షన్ డ్రామా సినిమాలోని కుడుక్కు పొట్టియా కుప్పాయం అనే సాంగ్ కు డ్యాన్స్ చేశారు. సడెన్ గా జరిగిన ఈ సంఘటనకు అందరు షాక్ అయ్యారు. ఎప్పటిలాగే చర్చికి భక్తులు వచ్చారు. కార్యక్రమాలు ముగిసిన తరువాత.. చర్చిలోని కొంతమంది యువకులు డ్యాన్స్ చేయాలనీ నిర్ణయం తీసుకున్నారు.
సాంస్కృతిక కార్యక్రమాలు మాములుగానే జరుగుతుంటాయి. ఆ సమయంలో ఫాదర్ ఉన్నా వాటి గురిం చి పెద్దగా పట్టించుకోరు. అయితే, ఈసారి అక్కడున్న యువకులు తమతో కలిసి డ్యాన్స్ చేయాలని ఫాదర్ ను కోరారు. దానికి ఫాదర్ కూడా కాదనలేకపోయారు. ఓ ఇద్దరు యువకులు ఫాదర్ కు స్టెప్పుల గురించి చెప్పారు. లవ్ యాక్షన్ డ్రామా సినిమాలోని సాంగ్ స్టార్ట్ అయ్యింది..
అంతే, ఆ ఇద్దరు యువకులతో పాటు చర్చి ఫాథర్ కూడా డ్యాన్స్ చేయడం మొదలుపెట్టాడు. లయబద్దంగా డ్యాన్స్ చేసి మెప్పించాడు. ఈ దృశ్యాలను అక్కడి వ్యక్తులు తీసి సోషల్ మీడియాలో పోస్ట్ చేశారు. అంతే వీడియో క్షణాల్లో వైరల్ అయ్యింది. ఈ సాంగ్ కు డ్యాన్స్ చేసినందుకు లవ్ యాక్షన్ డ్రామా యూనిట్ కృతజ్ఞతలు తెలిపింది. ఈ వీడియోను సోషల్ మీడియాలో 3 మిలియన్ వ్యూస్ సాధించింది. చర్చి ఫాదర్ సోషల్ మీడియాలో ఒక్కసారిగా పాపులర్ అయ్యారు. ఫాదర్ కు మంచి పేరు వచ్చింది. ఢిల్లీలోని చాలామంది ఆ చర్చికి వెళ్లి ఫాదర్ ను అభినందిస్తున్నారట.