ఆస్ట్రేలియా మాజీ సారథి రికీ పాంటింగ్‌ సముచిత స్థానాన్ని టీమిండియా సారథి విరాట్‌ కోహ్లికి కల్పించాడు. తన బెస్ట్‌ టెస్టు జట్టును ఈ దశాబ్దపు పాంటింగ్‌ తాజాగా ప్రకటించాడు. అయితే విరాట్‌ కోహ్లి ఈ జట్టుకు నాయకత్వం వహించనున్నాడు.తన టెస్టు జట్టులో పదకొండు మంది సభ్యులతో కూడిన టీమిండియా నుంచి కోహ్లికి ఒక్కడికే పాంటింగ్‌ అవకాశం కల్పించాడు.
టెస్టుల్లో చాంపియన్‌గా సుదీర్ఘకాలంగా కొనసాగుతున్న భారత్‌ నుంచి ఒక్కరికే అవకాశం ఇవ్వడం గమనార్హం. కనీసం వికెట్‌ సారథిగా కాకపోయినా కీపర్‌గా కూడా ఎంఎస్‌ ధోనిని పాంటింగ్‌ ఎంపిక చేయలేదు. వికెట్‌ కీపర్‌గా ధోనిని కాదని శ్రీలంక మాజీ క్రికెటర్‌ కుమార సంగక్కరకు అవకాశం కల్పించాడు. జట్టులో స్పిన్నర్‌గా ఉపఖండపు స్పిన్నర్లను కాదని లియోన్‌ను ఎంపిక చేయడం అందరిలోనూ చాలా అనుమానాలను రేకెత్తిస్తోంది.
ఇక జాబితాలో 11 మంది అత్యధికంగా ఇంగ్లండ్‌ నుంచి నలుగురికి, కేవలం ముగ్గురికే ఆసీస్‌ నుంచి అవకాశం ఇచ్చాడు. ఓపెనర్లగా డేవిడ్‌ వార్నర్‌, అలిస్టర్‌ కుక్‌లను ఎంపిక చేశాడు. వన్‌డౌన్‌లో న్యూజిలాండ్‌ సారథి కేన్‌ విలియమ్సన్‌, ఆ తర్వాతి వరుసగా స్టీవ్‌ స్మిత్‌, విరాట్‌ కోహ్లి, కుమార సంగక్కరలు మిడిలార్డర్‌లో బ్యాటింగ్‌కు దిగుతారని పేర్కొన్నాడు. ఈ దశాబ్దపు బెస్ట్‌ ఆల్‌రౌండర్‌ బెన్‌ స్టోక్స్‌ అంటూ కితాబిస్తూ అతడికి జట్టులో చోటిచ్చాడు.
ఇక ఇంగ్లండ్‌ పేస్‌ ద్వయం స్టువార్ట్‌ బ్రాడ్‌, అండర్సన్‌లవైపే పాంటింగ్‌ మొగ్గు చూపాడు. అంతేకాకుండా డేల్‌ స్టెయిన్‌ను దక్షిణాఫ్రికా నుంచి ఎంపిక చేశాడు. అయితే పాంటింగ్‌ టెస్టు జట్టుపై మాజీ క్రికెటర్లు పెదవి విరుస్తున్నారు. పక్షపాతంగా జట్టును ప్రకటించాడని విమర్శిస్తున్నారు.విరాట్‌ కోహ్లి(సారథి), డేవిడ్‌ వార్నర్‌, అలిస్టర్‌ కుక్‌, స్టీవ్‌ స్మిత్‌, కేన్‌ విలియమ్సన్‌, కుమార సంగక్కర, బెన్‌ స్టోక్స్‌, స్టువార్ట్‌ బ్రాడ్‌, డేల్‌ స్టెయిన్‌, జేమ్స్‌ అండర్సన్‌, నాథన్‌ లియోన్‌ వీరంతా ఈ టెస్టులో పాల్గొంటున్నారు .
