మనలో ప్రతి ఒక్కరికీ పాజిటివ్ ఆలోచనల కంటే నెగిటివ్ ఆలోచనలే ఎక్కువగా వస్తూ ఉంటాయి. ఆ ఆలోచనలు మనలో ఉత్సాహాన్ని, ప్రోత్సాహాన్ని తగ్గించి మనం ఒక నిర్ణయం తీసుకోలేకపోయేలా చేస్తాయి. ఈ తరహా ఆలోచనల వల్ల మనం చేసే పనులు వాయిదా పడి బద్ధకస్తులుగా మారిపోవడంతో పాటు సక్సెస్ సాధించే అవకాశాలు తగ్గుతాయి. ఈ ఆలోచనల వల్ల మనకు ఎలాంటి ప్రయోజనం చేకూరదు.
నెగిటివ్ ఆలోచనలు జీవితంలో మనల్ని మరింత వెనక్కు నెట్టేస్తాయి. మనలో చాలామంది ఇతరుల గురించి ఆలోచిస్తూ జీవితాన్ని ఫ్రీగా ఆస్వాదించడానికి సంకోచిస్తూ ఉంటారు. సొంత ఆలోచనలతో ముందడుగులు వేస్తే జీవితం సంతోషంగా ఉంటుంది. ఎదుటివాళ్ల ఆలోచనల గురించి, ఎదుటివాళ్ల అభిప్రాయాల గురించి భయపడి నెగిటివ్ ఆలోచనలను పెంచుకోకుంటే జీవితాంతం బాధ పడాల్సి ఉంటుంది.
జీవితంలో లక్ష్యాల వైపు అడుగులు వేసే సమయంలో భయపడటం మానేయాలి. ఛాలెంజ్ లను స్వీకరించడానికి సిద్ధంగా ఉండాలి. తొలి ప్రయత్నంలో విజయం సాధించకపోయినా మరోసారి ప్రయత్నిస్తే విజయం సాధించే ఛాన్స్ ఉందని గుర్తుంచుకోవాలి. ఫెయిల్యూర్ కూడా జీవితంలో ఒక భాగమేనని మరిచిపోకూడదు. మనం పాజిటివ్ ఆలోచనలతో లైఫ్ లీడ్ చేస్తే జీవితంలో ఎదురయ్యే పెద్దపెద్ద సమస్యలు కూడా సులభంగా పరిష్కారమవుతాయి.
మనం నెగిటివ్ గా ఆలోచిస్తున్నామంటే మనసుకు అబద్ధం చెబుతున్నామని గుర్తుంచుకోవాలి. నెగిటివ్ గా ఆలోచించడం వల్ల ఎటువంటి ప్రయోజనం చేకూరదని విశ్వసించాలి. మనపై మనం నమ్మకాన్ని కోల్పోకూడదు. గతంలోని అనుభవాలను, ఓటములను మరచిపోయి ప్రయత్నాలను ప్రారంభించాలి. సరైన ఆలోచనల ద్వారా మాత్రమే సక్సెస్ సొంతమవుతుందని భావించాలి. పాజిటివ్ ఆలోచనల వల్ల జీవితంలో విజయం సాధించడంతో పాటు సంతోషాన్ని పొందవచ్చు. పాజిటివ్ ఆలోచనల వల్ల పనిలో వృద్ధి పెరగడంతో పాటు జీవితంలో ఏదైనా సాధించగలమనే నమ్మకం పెరుగుతుంది.
